မောင်ပြုပြင် (ကျုံပျော်)
မုန်းတိုင်းကြမ်းကြမ်း
မိုးလေကြမ်းစဉ်။
ကင်းမဲ့လင်းရောင်
ပိန်းပိတ်မှောင်စဉ်။
မိုးကြိုးပစ်လျက်
လျှက်ပန်းလက်စဉ်။
လောကအိမ်သည်
မငြိမ်မသက်၊ စည်းဝါးပျက်၍
ယောက်ယက်ခတ်ပြီ၊ မပျက်စီးခင်။ ။
သည်အချိန်တွင်
သွင်သွင်တိုက်ကြမ်း၊ မုန်းတိုင်းလမ်းကို
ဖြတ်သန်းပျံလျက်၊ လင်းယုံငှက်လျင်
မပျက်မယွင်း၊ အားမာန်တင်ပြီး
သေမင်းနယ်မြေ၊ ဖြတ်ကျော်နေ၏။ ။
အို..ရဲရင့်သစ္ဓာ
ခိုင်ကျည်စွာနှင့်၊ စွမ်းဖြာပြည့်စုံ
ငှက်လင်ယုံငဲ့၊ မုန်းတိုင်းတိုက်ပြီး
သင့်ခရီးကို၊ တားဆီးပိတ်ပင်
ရှိပေလျင်မူ၊ သင့်တွင်ရှိထား
စွမ်းအားများဖြင့်၊ သွေးများပွတ်ပွတ်
အန်၍ထွက်အောင်၊ ချွှန်ထက်နှုတ်သီး
ခြေသည်းချွန်မြ၊ ရှိသမျှလျင်
တိုက်ကြခိုက်ကြ၊ တော်လှန်ကြလော့
လောကသစ္စာ၊ မှန်ကန်ရာသည်
မဟာအောင်ပွဲခံလိမ့်တကား။ ။
မောင်ပြုပြင် (ကျုံပျော်)
နောက်ဆုံးရ မြန်မာသတင်းများ
5 years ago
No comments:
Post a Comment